| Разорив Христе адову несветлую темницу, и яже стяжа юзники взял еси, и сам себе яко силен воскресил еси. | Разорив мрачную темницу ада и забрав [оттуда] узников, которых он приобрел, Ты, Христос, и Самого Себя воскресил, как сильный. |
| Ты сшед в мертвых, умертвил еси ад, и сокрушил еси врата смерти и вереи, и окованныя возвел еси мужеством, всем во спасение. | Сойдя к мертвым, Ты умертвил ад и сокрушил врата и вереи смерти и мужественно вывел узников ради спасения всех. |
| Бывшу Ти во аде Животодавче Господи с душею, яко виде всепагубная смерть ужасеся, отрешающи юзники, яже пожерла. | Когда Ты, Податель жизни, Господи, был в аду вместе с душой, и всепагубная смерть увидело это, она ужаснулась и освободила узников, которых поглотила. |
| Адову несытую утробу, пребожественный преславно истощив яко всесилен, абие воскрес во славе, и ученики божественными виден бысть. Тому поклонимся со Отцем же и Духом. | Сверхславно опустошив ненасытное чрево ада, Сверхбожественный [Христос] как всесильный сразу воскрес со славой и явился божественным ученикам. Ему поклонимся с Отцом и Духом. |
| Возшел еси на крест волею, Господи, силою препоясан, и сошед Благоутробне с душею во ад, души вечных уз разрешил еси, и с Собою Щедре совоскресил еси. | Ты, Господи, добровольно взошел на крест, препоясавшись силой, и, сойдя вместе с душой во ад, о, Милосердный, Ты освободил души от вечных уз и воскресил, о, Благой, вместе с Собою. |
| Сокрушив страшно вереи и врата адова, крепостию Твоею Владыко, истощил еси его богатство; темже многое Твое снисхождение и честное воскресение славим. | Ужасным образом сокрушив вереи и врата ада силой Своей, Владыко, Ты разграбил его богатство; поэтому мы и славим великое снисхождение Твое и честнoе воскресение. |
| Сокрушил еси адовы вереи Христе, и окованныя узники в мужестве извел еси, Твою славящия силу, и еже из гроба тридневно востание. | Ты, Христос, сокрушил вереи ада и мужественно вывел [оттуда] скованных [цепями] узников, прославляющих Твою силу и тридневное воскресение из гроба. |
| Смерть не ктому человеки обладает, якоже есть писано, отнелиже Христос воскресе безсмертный, адова истощив несытая царствия; да радуется вся вселенная празднующи. | Смерть более не властвует над людьми, как написано, с тех пор, как воскрес бессмертный Христос, разграбив ненасытные царства ада. Пусть вся вселенная радуется и ликует. |
| Собор иногда беззаконнующих еврей, Тебе Человеколюбче, на древо возвысив, умертви; но во гробе положен, адовы узы вся разрушил еси, и яже от века мертвыя воскресил еси. | Сборище беззаконных иудеев Тебя, о, Человеколюбец, некогда, вознеся на крест, умертвило; но, будучи положен в гробу, Ты растерзал все узы ада и воскресил от века мертвых. |
| Земля потрясеся, камение распадеся страхом, горы и холми вси поколебашася, и солнце померче, видевше Тя на кресте повешена, вереи адовы и врата железная сотрошася Христе, егда из мертвых Твоим востанием мир совоздвигл еси. | Земля сотряслась, камни от страха расселись, все горы и холмы поколебались и солнце померкло, увидев Тебя повешенным на кресте; вереи ада и железные врата были уничтожены, о, Христос, когда Ты Своим воскресением из мертвых вместе с Собою воскресил мир. |
| Восшед на высоту, пленение во аде содержимое, яко крепкий приял еси Спасе, и совоскресил еси с Собою, тридневен из гроба воскрес Человеколюбче, яко всесилен. | Взойдя на высоту, Ты, как сильный, взял пленников, содержавшихся в аду, и воскресил вместе с Собою, в третий день, как всесильный, воскреснув из гроба, о, Человеколюбец. |
| Умерщвленна древле Тебе Спасе, и погребенна в новом гробе видев ад, весь мертв пребысть и безделен; мертвыя же вси Твоим востанием живоносным, радующеся, от уз разрешишася. |
